Ֆինանսական բուրգ, խաբեություն և անգամ կատակ. ինչպես ասես չեն կոչվում բիտկոին վիրտուալ տարադրամները: Սակայն ի հեճուկս սպասելիքների՝ ավելի շատ ընկերություններ են անցնում նոր վճարային համակարգին:
Ներկայումս բիտկոինով հնարավոր է գնել ամեն ինչ՝ սկսած շքեղ առանձնատնից կամ ինքնաթիռի տոմսից մինչև 1 բաժակ սուրճ, հայտնում է RT-ն:
Լոնդոնի սրճարաններից մեկի աշխատակցի խոսքով, որտեղ ընդունում են բիտկոին, իրենք տեսնում են նոր տարադրամի հնարավորությունները, որը բազմաթիվ մարդկանց համար գրավիչ ֆինանսական հեռանկարներ է բացում:
Future coins-ի հիմնադիր Ջոել Ռազիելը բացատրել է, որ բիտկոինը շահավետ է օգտագործել բիզնեսում: Ներկայումս բիտկոին գնելու գործընթացը պարզեցվել է, ինչի շնորհիվ փողերը միանգամից նստում են հաշվեհամարի վրա:
Մեծ Բրիտանիայի ֆինանսների նախարարն արդեն գնել է մի քանի բիտկոին՝ հիմք դնելով երկրում թվային տարադրամի կենտրոնի ստեղծման գործընթացին:
