Ռուսական «Նեզավիսիմայա գազետա» թերթին տված հարցազրույցի ժամանակ Ռուսաստանի հետ հարաբերությունների կարգավորման գծով Վրաստանի վարչապետի հատուկ ներկայացուցիչ Զուրաբ Աբաշիձեն անդրադարձել է ռուս-վրացական հարաբերությունների կարգավորմանը.
«Վրացական կողմն առանց նախապայմանների ռուսական կողմի հետ հանդիպելուն պատրաստ է եղել 2008 թվականից հետո և պատրաստակամություն է հայտնել վերականգնել երկխոսությունը Ռուսաստանի հետ: Սակայն ռուսական կողմից մենք պատասխան ստացանք հոկտեմբերի 1-ի խորհրդարանական ընտրություններից հետո, երբ Վրաստանում տեղի ունեցան քաղաքական լուրջ փոփոխություններ:
Խորհրդարանական ընտրություններից հետո հասարակությունը խոր փոփոխություններ է ապրել: Դա լուրջ քննություն էր, որը մենք պատվով հանձնեցինք: Այժմ մեզ մոտ ոչ միանշանակ իրավիճակ է: Վրաստանը շատ լավ հարաբերություններ ունի իր բոլոր հարևանների, թե՛ Ադրբեջանի, թե՛ Հայաստանի, թե՛ Թուրքիայի, և թե՛ Արևմուտքի երկրների հետ:
Միայն Ռուսաստանի հետ հարաբերություններն են բարդ: Միջպետական հարաբերությունների բարելավումը կպահանջի շատ ժամանակ: Դա կլինի բարդ գործընթաց, սակայն ես հուսով եմ, որ ավելի լավ կլինի»:
