Վենեսուելայի պաշտոնական անձիք հավանական են համարում, որ վերընտրված նախագահ Ուգո Չավեսի երդմնակալությունը կարող է հետաձգվել: Առաջնորդի առողջական վիճակը նրան դեռ թույլ չի տալիս մասնակցել վերոնշյալ միջոցառումներին,- հաղորդում է Reuters-ը:
Մեկնաբանելով իրավիճակը տեղի լրագրողներին՝ խորհրդարանի ղեկավարն ու Չավեսի մտերիմ Դիոսդադո Կաբելոն հաղորդել են, որ կառավարությանը ուղերձ են հղել, որտեղ խնդրում են հետաձգել երդմնակալության արարողությունը 2013 թ. հունվարի 10-ից ավելի ուշ ժամկետի: Նա նաև նշել է, որ ժամկետի հետաձգումը ընդդիմությանը հնարավորություն է տալիս բարձրացնել Չավեսին գործերից հեռացնելու հարցը՝ կապված նրա առողջական վիճակի հետ:
«Դուք չեք կարող ժողովրդի կամքը կապել մեկ ամսաթվի: Եթե մենք դա չանենք հունվարի 10-ին, մի՞թե դա նշանակում է, որ մենք հրաժարվել ենք 8 մլն քաղաքացիների որոշումից»,- հայտարարել է նա ընդդիմադիրներին:
Հիշեցնենք, որ Ուգո Չավեսի երրորդ պաշտոնավարման երդմնակալությունը նշանակված է 2013 թ. հունվարի 14-ին: Մինչ մեկնելը վենեսուելական առաջնորդը իրեն փոխարինող է հայտարարել Վենեսուելայի փոխնախագահ Նիկոլաս Մադուրոյին:
