Ռիչարդ Գիրը պատկերացում չուներ, որ իրեն «Արատավոր կիրք» («Arbitrage», 2012) ֆիլմում դերի համար առաջադրել են «Ոսկե գլոբուս» մրցանակի համար, քանի որ հավակնորդների ցուցակը հրապարակելու ժամանակ նա Հնդկաստանում է եղել:
Դերասանի հեռախոսը չի աշխատել երկրի հեռավոր մասերում, և չեն կարողացել կապվել նրա հետ, որպեսզի հայտնեն նորությունը:
2002-ին «Չիկագո» («Chicago», 2002) մյուզիքլում դերի համար «Ոսկե գլոբուսի» արժանացած Գիրը հասանելի դառնալուց հետո բազմաթիվ sms-հաղորդագրություններ է ստացել: Այդքան շատ հաղորդագրություն տեսնելով` դերասանը վախեցել է, թե իր տանն ինչ-որ վատ բան է տեղի ունեցել:
«Ոսկե գլոբուսի» մրցանակաբաշխությունը տեղի կունենա հունվարի 13-ին Լոս Անջելեսում: «Լավագույն դրամատիկ դերասան» անվանակարգում Գիրի հետ մրցակցել են Դենիել Դեյ-Լյուիսը, Ջոն Հոուքսը, Խոակին ֆենիքսը և Դենզել Վաշինգտոնը, հայտնում է starbloid.com-ը:
