Իտալացի հանրաճանաչ դերասանուհի, բոլոր հիմնական միջազգային կինոփառատոների, այդ թվում՝ «Օսկարի» մրցանակակիր, մի քանի գրքերի հեղինակ Սոֆի Լորենը ծնվել է 1934թ. սեպտեմբերի 20-ին, Հռոմում:
14 տարեկանում դարձել է տեղի գեղեցկության մրցույթի հաղթող: 1952-ին Լորենը ծանոթացել է պրոդյուսեր Կառլո Պոնտիի հետ, որը ոչ միայն նրա առջև բացեց մեծ կինոյի դռները, այլ հետագայում դարձավ նրա ամուսինը և երկու տղաների հայրը:
Նրան մեծ ճանաչում է բերել Վիտորիո Դե Սիկայի «Նեապոլի ոսկիները» ֆիլմը:
Նշենք, որ Սոֆին նախապես նկարահանվում էր «Լազարո» կեղծանվամբ, սակայն Պոնտիի ազդեցությամբ վերցրեց Լորեն մականունը:
Արդեն 1950-ականների կեսերին Լորենը դարձավ Իտալիայի սեքս-խորհրդանիշ: 1957-ին նկարահանվել է Հոլիվուդում, որտեղ նրան հաջողվել է խաղալ բոլոր ամենահայտնի դերասանների հետ:
Ամերիկայից վերադառնալուց հետո նա շարունակել է հաջողությամբ նկարահանվել Եվրոպայում: Նրա մասնակցությամբ նկարահանված «Չոչարա» ֆիլմը տարբեր կինոփառատոներում պարգևների է արժանացել:
Բազմաթիվ ֆիլմերում Լորենի զուգընկերն է եղեղ Մարչելո Մաստրոյանին: Այս զույգը դարձել է կինոյի պատմության մեջ ամենահայտնի դուետը:
