Լիբիայի առաջնորդ Մուամար Քադաֆին բարձրացրել է այն ոստիկանների և զինվորականների աստիճանները, որոնք հավատարիմ են մնացել իրեն: Այս մասին հաղորդում է Reuters գործակալությունը:
Հրամանագիրը հրապարակվել է Լիբիայի պետական հեռուստատեսությամբ մարտի 25-ին:
«Հեղափոխության առաջնորդը որոշում է կայացրել բարձրացնել խաչակիրների և գաղութարարների դեմ հերոսական պայքար մղողների զինվորական աստիճանները», ասվել է հաղորդագրության մեջ: Հրամանագիրը տարածվել է թե՛ ոստիկանության և թե՛ բանակի բոլոր ներկայացուցիչների վրա: Սակայն չի նշվել, թե արդյոք դա կազդի՞ նրանց աշխատավարձերի վրա:
ԱՄՆ փոխծովակալ, ԱՄՆ զինված ուժերի միավորված շտաբների պետ Ուիլյամ Գորթնին հայտարարել է, որ Քադաֆին զինում է կամավորականներին ընդդիմության դեմ պայքար մղելու համար:
«Ես վստահ չեմ, որ նրանք իրոք կամավորներ են, և չգիտեմ, թե ինչքան մարդ է ներգրավվել: Սակայն հատկանշական է ժողովրդին դիմելու փաստը»,- ասել է Գորթնին:
Այս մասին հաղորդում է BBC-ն: