Հարավաֆրիկյան Հանրապետության նախկին նախագահ Նելսոն Մանդելան, ով 11 օր առաջ հոսպիտալացվել էր թոքային վարակի կրկնության պատճառով, դեռևս դուրս չի գրվել հիվանդանոցից։ Այս մասին հաղորդում է Itar Tass-ը` վկայակոչելով երկրի գործող նախագահի մամլո ծառայության ղեկավար Ջեյկոբ Զումայի խոսքերը:
«Բուժող բժիշկները բավարարված են Մանդելայի առողջացման գործընթացով, վերականգնման ընթացքը համապատասխանում է նրա տարիքին»,- հայտարարել է նախագահի ներկայացուցիչ Մակ Մահարաժը: Ըստ նրա՝ նախկին նախագահի վիճակը կայուն է, սակայն նա դեռ կմնա հիվանդանոցում:
Մահարաժի խոսքերով` ինքն անձամբ է այսօր այցելել նրան հիվանդանոցում:
Հիշեցնենք, որ նախկին նախագահը դեկտեմբերի 8-ից հոսպիտալացվել էր՝ «մի շարք բժշկական հետազոտություններ անցնելու համար»: Սակայն աննկատ չմնաց այն փաստը, որ Մանդելային հիվանդանոց են հասցրել ինքնաթիռով` Արևմտյան Քեյփ նահանգի ծննդատնից, որը մայրաքաղաք Պրետորիայից գտնվում է 800 կմ հեռավորության վրա:
