Երեկ Բրյուսելում Հայաստանի և Եվրամիության միջև ստորագրվեց մուտքի արտոնագրերի(վիզաների) դյուրացման մասին համաձայնագիրը:«Առաջին լրատվական»-ի հետ զրույցում «Հայաստանի եվրոպացի բարեկամներ» կազմակերպության գլխավոր քարտուղար Մայքլ Քամբեքն ասաց, որ Հայաստան-ԵՄ համագործակցության և առաջխաղացման համար հաջորդ երկու քայլերըվիզայի ռեժիմի ազատականացումն ու խորը և համապարփակ ազատ առևտրի գոտու (DCFTA) ստեղծումն են:
Ըստ նրա՝ առաջինը ձեռք կբերվի այն ժամանակ, երբ Հայաստանն անհրաժեշտ նախապայմաններ ստեղծի դրա համար: «ԵՄ «Արևելյան գործընկերություն» ծրագրիշրջանակում բոլոր երկրների համար նախապայմանները նույննեն,և վիզայի ազատականացումն առաջին քայլն է այս ուղղությամբ: Երկու կողմերը պետք է գործի դնեն դյուրացումը, 5 ամսիցԵՄ-ն ու Հայաստանը պետք է վերլուծեն, թե որ առաջադրանքը պետք է կատարվի վիզայի ռեժիմի ազատականացման գործընթացի մեկնարկի և ավարտի համար»,- նշեց Մայքլ Քամբեքը:
Նա պարզաբանեց, որ ԵՄ-ն հենվում է այն գաղափարի վրա, որ սահմանները մարդկանց և բիզնեսինանբնականորեն խոչընդոտում են։ Այսպիսով, եթե Հայաստանը շարունակի աշխատել, ԵՄ-ն իր խոստումը կպահի, ևբոլոր հայերը կկարողանանառանց վիզայի ճանապարհորդել Շենգենյան գոտում: «Իսկ Խորը և համապարփակ առևտրի գոտին ավելի արագկստացվի, որը չափազանց անհրաժեշտ է Հայաստանի սոցիալ-տնտեսական զարգացման համար»,- նկատեց կազմակերպության գլխավոր քարտուղարը:
Ամփոփելով տարին`Հայաստան-ԵՄ համագործակցության տեսանկյունից՝Մայքլ Քամբեքն ասաց, որ Հայաստան-ԵՄ համագործակցությունն այս տարի շատ լավ է ընթացել, որովհետև երկու կողմերն էլ պահել են իրենց խոստումները: Նա հիշեց, որ երբ ԵՄ-ն հայտարարեց, որ տարեվերջին Հայաստանի և Եվրամիության միջև կստորագրվի վիզաների դյուրացման համաձայնագիրը, ոմանք թերահավատ էին, երբ ԵՄ-ն հայտարարեց, որավելի մեծ ֆինանսական աջակցություն կտրամադրի Հայաստանին, եթե Հայաստանն իրագործի իր պարտավորությունները, Երևանում ոմանք թերահավատ էին հատկապես այն լույսի ներքո, թե ԵՄ-ում ֆինանսատնտեսական ճգնաժամ է։ Երբ Հայաստանն ասաց, որ կկատարի վարչական և քաղաքական նախապայմաններն այս ամենի համար և նաև կսկսի բանակցություններն Ասոցացման համաձայնագրի շուրջ, Բրյուսելում ոմանք թերահատավ էին: Սակայն, Մայքլ Քամբեքի համոզմամբ, այսօր բոլոր թերահավատ մարդիկ դրականորեն զարմացած են, քանի որ երկու կողմերն էլ պահել են իրենց խոստումները՝ չնայած դժվարություններին:
«Իհարկե, սա Հայաստանի համար շատ լավ է: Սա կօգնի Հայաստանին հասնել եվրոպական չափանիշների, իսկ ներդրողների համար ավելի գրավիչ դառնալ»,- նկատեց «Հայաստանի եվրոպացի բարեկամներ» կազմակերպության գլխավոր քարտուղարՄայքլ Քամբեքը:
