Բարաք Օբաման չի ծրագրում Իրաքում և Սիրիայում ցամաքային զորքեր օգտագործել «Իսլամական պետություն» խմբավորման դեմ պայքարում: Այս մասին հայտնում են Սպիտակ տանը: Սակայն Պենտագոնից հակառակ հայտարարություններ են ստացվում: ԱՄՆ պաշտպանության նախարար Չակ Հեյգելը չի բացառում այդ շրջանում ցամաքային գործողությունը՝ հայտնում է vesti.ru-ն:
«Ո՛չ նոր պատերազմին»,- գոչել են Սենատի դահլիճում ներկաները, որտեղ լսումներին մասնակցել են ԱՄՆ պաշտպանության նախարարն ու շտաբների ղեկավարների կոմիտեի նախագահը: ԻԼԻՊ-ի դեմ «պատերազմ» բառը դեռ ոչ մի անգամ չէր հնչել ամերիկացի պաշտոնյաների շուրթերից: Հեյգելն առաջինն է եղել:
«Մեր ռազմական փորձագետներն իրաքցիներին կօգնեն օպերատիվ ծրագրի կազմման, նաև նյութատեխնիկական հարցերի կազմակերպման գործում: Եթե ստեղծվի այնպիսի իրավիճակ, որ ես հավատամ՝ մեր խորհրդատուները կկարողանան օգնել Իրաքին «Իսլամական պետության» դիրքերի վրա գրոհներում, ապա ես դա խորհուրդ կտամ նախագահին»,- ասել է ԱՄՆ զինված ուժերի շտաբների ղեկավարների միավորված կոմիտեի նախագահ Մարտին Դեմփսին:
