Ամերիկուհին ոստիկանություն բողոք է ներկայացրել իր նախկին ընկերոջ դեմ, որը աղջկանից վրեժ է լուծել բավական յուրօրինակ կերպով: Տղամարդը ճաշ է պատրաստել նրա պոմերանյան շպից ցեղատեսակի շան մսով և էկզոտիկ ուտեստով հյուրասիրել ընկերուհուն: Ապա աղջկա առաջ է գցել նրա շան կտրված թաթերը:
Արդյունքում տղամարդը հայտնվել է բանտում ընտանեկան բռնության մեղադրանքով՝ հայտնում է The Los Angeles Times-ը:
Աղջիկը ոստիկանությանը պատմել է, որ վերջին անգամ իր կենդանուն տեսել է 1 ամիս առաջ: Այդ օրը նա տնից փախել էր իր 34-ամյա ընկերոջ հետ հերթական վեճից հետո, իսկ երբ վերադարձել էր, տանը չէր գտել ոչ ընկերոջը, ոչ կենդանուն:
Սկանդալին հետևել էր հաշտության կարճ շրջան, որի ժամանակ էլ տղամարդը մատուցել էր շան մսով պատրաստված ուտեստը:
Անցած շաբաթ չարագործին Կալիֆոռնիայում ձերբակալել էին:
