Պլաստիկ վիրաբուժության բրազիլացի մասնագետ Լիասյար Ռիբեյրոն բրազիլական մամուլին պատմել է, որ ժամանակին պլաստիկ վիրահատություն է իրականացրել` լավացնելու Լիբիայի առաջնորդ Մուամար Քադաֆիի արտաքին տվյալները:
1995թ. նրան հրավիրել են Քադաֆիի բունկեր, որտեղ Լիբիայի առաջնորդն ասել է, որ արդեն 25 տարի շարունակ իշխանության է և չի ցանկանում, որպեսզի երիտասարդները կարծեն, թե իրենց ղեկավարը ծերուկ է:
Ռիբեյրոն հեռացրել է ճարպային կուտակումները փորի շրջանում, իսկ սիլիկոնե ներարկումների միջոցով հարթեցրել է կնճիռները, ինչպես նաև արհեստական մազեր «կրակել» նրա գլխին: Վիրահատությունը տևել է 4 ժամ: Վիրաբույժը պատմում է, որ ընդմիջմանը Քադաֆին համբուրգեր է կերել:
Վիրահատությունից հետո Ռիբեյրոն զգուշացրել է, որ պլաստիկ վիրաբուժության արդյունքները հարատև չեն, և նրան ասել են, որ նորից կհրավիրեն: 2000թ.-ին Ռիբեյրոն կրկնել է գործողությունները:
Բժիշկ-վիրաբույժը հայտնել է նաև, որ կասկածներ է ունեցել այս պատմությունը լրագրողներին փոխանցելու առումով, քանի որ «Քադաֆիի արտաքին տեսքն այնքան էլ լավ չի»: Ռիբեյրոն մտավախություն ունի, որ իր ապագա հաճախորդները կարող են հիասթափվել` տեսնելով Քադաֆիի ներկայիս վիճակը: