Lufthansa ավիաընկերության օդաչուները ծրագրում են սեպտեմբերի 16-ին նոր գործադուլ կազմակերպել: Այս մասին ասվում է օդաչուների Vereinigung Cockpit (VC) արհմիության հաղորդագրության մեջ, որը ստացել է Ria Novosti-ն:
«Տեղական ժամանակով 9:00-17:00-ն (մեր ժամանակով՝ 11:00-19:00) Lufthansa-ի օդաչուները երկար տարածությունների չվերթերի գործադուլ կանեն, որոնք իրականացվում են Airbus A380, Boeing B747, Airbus A330, Airbus A340 տիպի ինքնաթիռներով: Այդ ժամանակ աշխատանքը կդադարեցվի, և Մայնի Ֆրանկֆուրտի օդանավակայանից թռիչքներ չեն իրականացվի: Գործադուլը կոչված է օգնելու հասնել նոր անցումային տարիֆային պայմանագրի»,- ասվում է հաղորդագրության մեջ:
Օդաչուներն ուզում են բարելավել պայմանները ժամանակից շուտ թոշակի գնացող գործընկերների համար:
Հաղորդվում է նաև, որ գործատուի հետ բանակցություններն առայժմ հաջողությամբ չեն պսակվել:
