Չինաստանի իշխանությունները երկրի 7 մարզերից ձերբակալել են 93 մարդու, ովքեր աշխարհի վերջի վերաբերյալ լուրեր են տարածել։
Ձերբակալվածների մեծ մասն «Ամենակարող Աստված» խմբից է, որի գործունեությունը Չինաստանում արգելված է:
Նրանք, օգտվելով առիթից, մայաների օրացույցի հետ կապված՝ սկսել են գուշակություններ անել` ասելով թե դեկտեմբերի 21-ից սկսած՝ 3 օր շարունակ ամեն բան գտնվելու է լիակատար խավարի մեջ:
Ուրբաթ օրը ձերբակալվել է մի տղամարդ, ով աշխարհի վերջի մասին լուրերի պատճառով դպրոցներից մեկում դանակահարել է 23 դպրոցականի: Պարզվել է, որ այդ մարդը տառապում է էպիլեպսիայով, և աշխարհի վերջի մասին լուրերը նրա վրա մեծ ազդեցություն են գործել:
