Իրաքի վարչապետ Հայդեր ալ-Աբադին հրամայել է երկրի ռազմաօդային ուժերին դադարեցնել ավիահարվածները երկրի բնակելի տարածքների ուղղությամբ, որոնք ներկա դրությամբ գտնվում են «Իսլամական պետություն» ծայրահեղական խմբավորման վերահսկողության ներքո: Շաբաթ այդ մասին հաղորդել է AP-ն՝ հղում կատարելով վարչապետի հայտարարությանը:
«Ես հրաման եմ արձակել երկու օր առաջ, քանի որ մենք չէինք ցանկանում, որպեսզի խաղաղ բնակչության շրջանում զոհերն ավելի շատ լինեին»,- շաբաթ հաղորդել է ալ-Աբադին:
Իր ելույթում վարչապետը գրոհայիններին մեղադրել է խաղաղ բնակչությանը կենդանի վահանի տեղ օգտագործելու համար: Ըստ վարչապետի՝ դրանով նրանք ցանկանում են խանգարել կառավարական զորքերին ազատագրել գրավված տարածքները, և խոստացել է շարունակել ԻՊ-ի դեմ ուղղված ռազմական գործողությունները:
Ավելի վաղ հաղորդվում էր, որ Իրաքի կառավարությունը աջակցում է ԱՄՆ նախագահ Բարաք Օբամայի «Իսլամական պետության» դեմ պայքարի մարտավարությանը:
