21-րդ դարում ծրագրավորողները դարձան մոլորակի ամենահարուստ մարդիկ: style.rbc.ru-ն փորձել է պարզել, թե ինչով են նրանք հասնում մինչև գրասենյակներ, որտեղ վաստակում են իրենց միլիոնները:
Մարկ Ցուկերբերգ, Facebook կայքի հիմնադիր
http://youtu.be/djmJhe9OAYY
Ցուկերբերգը բարձր տեխնոլոգիաների ոլորտում աշխարհի ամենաազդեցիկ մարդկանցից է: Ամենայն հավանականությամբ նա առաջնորդվում է «Մեքենան ոչ թե շքեղություն է, այլ տեղաշարժման միջոց» սկզբունքով: Այս տարվա հունվարին նրան տեսել էին 40 հազար դոլար արժողությամբ սև Volkswagen Golf GTI-ի ղեկին: Իսկ հունիսին որոշ ԶԼՄ-ներ հայտնեցին, թե նա գնել է իտալական Pagani Huayra սուպերմեքենա, որն արժե $1,3 մլն դոլար:
Լարի Էլիսոն, Orcale-ի հիմնադիր ու ղեկավար
Oracle կորպորացիայի ակտիվների մաքուր արժեքը 50,4 մլրդ դոլար է: Նա բազմաթիվ մեքենաներ ունի, այդ թվում՝ Lexus LFA, որն արժե 375.000 դոլար ու մոտ 1 մլն դոլարանոց McLaren F1:
Բիլ Գեյթս, Microsoft ընկերության հիմնադիր
Նրան բազմիցս տեսել են հասարակ Ford Focus-ի ղեկին (միջին արժեքը 20.000 դոլար): Հայտնի է նաև Porsche-ների նկատմամբ սիրով: Նա առաջին ամերիկացիներից էր, որ գնեց բացառիկ Porsche 959-ը, բացի դրանից՝ ունի նաև Porsche 911 Carrera (ԱՄՆ-ում միջին արժեքը՝ 84.300 դոլար) ու Porsche 930:
Էվան Շպիգել, Snapchat ծառայության հիմնադիր ու ղեկավար
Էվանը ծնվել է բավական հարուստ ընտանիքում ու առաջին մեքենան, որի ղեկին նստել, եղել է Cadillac Escalade (միջին գինը՝ 71.695 դոլար), այնպես որ՝ Ferrari գնելու մասին լուրերը ոչ ոքի չզարմացրին:
Լարի Փեյջ, Google-ի հիմնադիր
Google ինտերնետ-հսկայի հիմնադիրներից մեկը մտահոգ է շրջակա միջավայրի պահպանության խնդրով: Բացի Zero X ($9900) էլեկտրաբայքից ու Toyota Prius հիբրիդից (գինը՝ սկսած 24.200 դոլարից), Փեյջն ունի նաև Tesla Roadster:
Շոն Փարքեր, Airtime-ի համահիմնադիր ու Napster-ի նախկին համահիմնադիր
Facebook-ի առաջին նախագահի ավտոմոբիլային հավակնությունները բավական համեստ են: Սան Ֆրանցիսկոյում նրան տեսել են Audi S5-ի ղեկին, որի գինն սկսվում է 52.000 դոլարից, Լոս Անջելեսում նա վարում է Tesla Model S՝ գինը մոտ 100.000 դոլար: Ի դեպ, Փարքերի կարողությունը գնահատվում է 3,2 մլրդ դոլար:
Սթիվ Բալմեր, Microsoft ընկերության գլխավոր տնօրեն
Սթիվ Բալմերի կարողությունը կազմում է 22 մլրդ դոլար: Նա սիրում է Ford ավտոմեքենաներ, հայտնի է, որ վարում է հիբրիդային Ford Fusion՝ 27.200 դոլար արժեքով:
