Հոլիվուդյան լեգենդար դերասանուհի Գրետա Գարբոյին պատկանող Louis Vuitton ապրանքանիշի ճանապարհային սնդուկը ԱՄՆ-ում աճուրդով վաճառվել է 37.5 հազար դոլարով,-հաղորդում է The Washington Post թերթը:
Juliens Auctions աճուրդի տանը ներկայացված է եղել մոտ 800 լոտ, այդ թվում՝ դերասանուհու անձնական իրերը, լուսանկարներ և փաստաթղթեր: Աճուրդի կազմակերպիչներն ընդհանուր առմամբ հավաքել են 1.6 միլիոն դոլար: Այս գումարը երեք անգամ գերազանցել է լոտերի գնահատված արժեքը:
Louis Vuitton-ի ավանդական գույներով ճանապարհային աքսեսուարը դարձել է աճուրդի ամենաթանկարժեք լոտը: Գարբոյի ամերիկյան անձնագիրը, որը դերասանուհին ստացել էր 1964 թ., վաճառվել է 15 հազար դոլարով, իսկ 1930-ական թվականների սև թավշյա զգեստը՝ մոտ 14 հազար դոլարով:
Գրետա Գարբոն (Գրետա Լովիս) ծնվել է 1905 թ. Շվեդիայում: Դերասանուհու դեբյուտը Հոլվիդում կայացել է 1927 թ., երբ նա ստաձնել է «Մարմին և սատանա» (Flesh and the Devil) ֆիլմի գլխավոր դերը: 1954 թ. դերասանուհին արժանացել է Օսկար մրցանակի՝ կինորավեստի զարգացման մեջ ունեցած ներդրման համար:
