Pew հետազոտական կենտրոնի հարցման համաձայն՝ զարգացող և զարգացած երկրների բնակչության 69 տոկոսը դժգոհ է կառավարության վարած տնտեսական քաղաքականությունից: Քաղաքացիների դժգոհության հիմնական պատճառը գործազրկությունն է: Այս մասին գրում է RIA Novosti-ն:
Հետազոտության արդյունքներով՝ տնտեսական վիճակից ամենից շատ դժգոհ են Հունաստանի քաղաքացիները՝ 95 տոկոս, երկրորդ տեղում Լիբանանն է՝ 93 տոկոս, եռյակը եզրափակում են իսպանացիները՝ 91 տոկոս: Իրենց երկրի տնտեսությունից դժգոհ շատ քաղաքացիներ բնակվում են Իտալիայում՝ 90 տոկոս, Գանայում՝ 86 տոկոս, և Նիգերիայում՝ 83 տոկոս:
Իսկ ԱՄՆ-ում 10 ամերիկացիներից 6-ը չեն աջակցում նախագահ Բարաք Օբամայի տնտեսական քաղաքականությանը:
Միաժամանակ՝ Չինաստանի բնակիչները գլխավորում են այն երկրների ցուցակը, որտեղ բնակչությունը աջակցում է երկրի տնտեսական քաղաքականությանը (87 տոկոս): Այս առումով երկրորդ տեղում Վիետնամի բնակիչներն են (86 տոկոս), երրորդում՝ Մալայզիայի (77 տոկոս):
