Jeep ընկերությունը մտադիր է մոտակա մի քանի տարում վերածնել Grand Wagoneer մոդելը: Աշխատանքները դեռ գտնվում են նախնական փուլում, սակայն շուկայում այն կհայտնվի 2014 թ. վերջին կամ 2015 թ. սկզբին:
Վերածնված Grand Wagoneer–ը կունենա երեք շարք նստատեղեր, կպատրաստվի այն նույն պլատֆորմի վրա, ինչ Grand Cherokee-ն: Ավելի վաղ տեղեկացվում էր, որ 2014 թ. Jeep-ը շուկա կհանի մի քանի նորույթներ:
Բացի Grand Wagoneer–ից, Jeep–ը կթողարկի մի մոդել, որը կփոխարինի միանգամից և՛Compass, և՛ Patriot կրոսովերներին, ինչպես նաև ընկերությունը կներկայացնի նորացված Liberty ամենագնացը: