Լինդսի Լոհանը, չնայած սկանդալային է, սակայն դա նրան չի խանգարում լինել նորաձևության երեկույթների ցանկալի հյուր: Այս մասին հայտնում է spletnik պորտալը:
Երեկ նա սպիտակ մորթու համադրությամբ սև զգեստով հայտնվել է ռուս թոփ մոդել Վալենտինա Զելյաևային ամենամյա միջոցառմանը, որով նա իր ընկերներին և գործընկերներին առողջ ապրելակերպ է քարոզում և օրգանական մթերքների ու կոսմետիկայի օգտագործման կոչ անում:
Զելյաևան լրագրողների հետ զրույցում ասել է, որ առավոտը սկսում է մեկ բաժակ տաք ջրով ու կիտրոնով, նախաճաշում հյութով, իսկ նրա կերակրացանկը, հիմնականում կազմված է թարմ մրգերից ու բանջարեղենից, երբեմն՝ ձկից: Բացի այդ՝ Վալենտինան զբաղվում է կապոեյրայով (բրազիլական մարտարվեստի տեսակ) և արդեն լուրջ արդյունքների է հասել:
