Թուրքական Zaman թերթի լրագրող, ԵՄ գծով փորձագետ Սելչուք Գյուլթաշլըն հաշվարկել է, թե ներկայիս տեմպերով Թուրքիան քանի տարի անց կարող է անդամակցել ԵՄ-ին: Լրագրողը, ընդգծել է, որ ԵՄ-ն անդամակցության շուրջ Թուրքիայի ու Խորվաթիայի հետ բանակցություններ է սկսել վարել 2005 թվականին` ուշադրություն հրավիրելով այն հագամանքին, որ 2013 թվականի հուլիսի 1-ին Խորվաթիան պաշտոնապես կանդամակցի ԵՄ-ին.
«Մինչդեռ Թուրքիան նախորդ յոթ տարիներին կարողացել է հաջողությամբ իրագործել անդամակցության վերաբերյալ 35 բանակցային գլուխներից միայն մեկը: Այդ 35 բանակցային գլուխները պարունակում են 140,000 էջ: Եթե շարունակվի այս տեմպերով, ապա Թուրքիան ԵՄ-ին կարող է անդամակցել միայն 250 տարի հետո: Եվրոպայի բնակչությունը ծերանում է, իսկ մենք ունենք երիտասարդ բնակչություն: Պետք է մեծ ուշադրություն հատկացվի բնակչության կրթությանը, քանի որ ԵՄ-ը կրթություն չունեցող մարդկանց կարիք չունի»:
