ԱՄՆ նախագահ Բարաք Օբաման այցելել է բրիտանական Սթոունհենջ՝ նեոլիթյան դարաշրջանի մեգալիթյան հուշարձան: Այս մասին հայտնում է BBC-ն:
Օբաման ցանկություն էր հայտնել լինելու հանրահայտ վայրում և Ուելսում ՆԱՏՕ-ի գագաթնաժողովի ավարտից հետո ուղղաթիռով թռել է Ուիլթշիր կոմսության «Բոսկոմբ Դաուն» ռազմական օդակայան, որից ոչ հեռու գտնվում է կառույցը:
Օբամայի համար կազմակերպվել է անձնական էքսկուրսիա: Էքսկուրսավարի խոսքով՝ նախագահը մեծ տպավորություններ է ստացել և ասել, որ դա Մեծ Բրիտանիա իր ներկայիս ուղևորության ամենավառ մասն էր:
Էքսկուրսիայի ավարտին Օբաման մոտեցել է ցանկապատին և դրանից այն կողմ շփվել տեղի բնակիչների հետ:
