«Առավոտ» թերթը գրում է. «Սերժ Սարգսյանը ՆԱՏՕ-ի գագաթաժողովում կարևոր երկու քայլ արեց իր մասնակցությամբ. Պահպանեց ԵԱՀԿ ՄԽ դերը կարգավորման ապագայում և առաջին անգամ այդպիսի բարձր ամբիոնից Ադրբեջանի ղեկավարին «բռնապետ» անվանեց, իսկ Թուրքիայի նոր իշխանությանը՝ Ալիևին պաշտպանող։
Իսկ Էրդողանի՝ «կրտսեր եղբորն» աջակցելու ծրագիրն Ուելսում թերևս չարժի իրագործված համարել, քանի որ ՆԱՏՕ-ի հռչակագրում «ԼՂ հակամատություն՚ արտահայտությունը նախ առհասարակ բացակայում է, իսկ Հարավային Կովկասի երկրներին աջակցելու հատվածը հավասարակշռված է, քանի որ հիշատակվում է միջազգային իրավական նորմերի, Հելսինկյան եզրափակիչ ակտի հիմնարար սկզբունքների մասին։ ՆԱՏՕ-ի հռչակագրում նշվում է, որ դաշինքի անդամ երկրները շարունակում են աջակցել Հայաստանի, Ադրբեջանի, Վրաստանի և Մոլդովայի տարածքային ամբողջականությանը, անկախությանն ու ինքնիշխանությանը։
Հիշեցնենք, որ Հելսինկյան եզրափակիչ ակտի հիմնարար սկզբունքներից երեքն են՝ տարածքային ամբողջականության, ուժի չկիրառման, ժողովուրդների իրավահավասարության և ինքնորոշման իրավունքը։
Գուցե ՆԱՏՕ-ի հռչակագիրն այն չէ, ինչ ակնկալում էր Սերժ Սարգսյանը, բայց դա նաև այն չէ, ինչ կցանկանային տեսնել Էրդողանն ու Ալիևը»։
Մանրամասները՝ թերթի այսօրվա համարում
