ԵՄ երկրների ԱԳ ղեկավարները երկուշաբթի օրն առաջին անգամ Սիրիայի ընդդիմության ազգային կոալիցիայի ղեկավար Ալ Խատիբի հետ անցկացրել են համատեղ հանդիպում, որի ժամանակ նախարարները կոալիցիան ճանաչել են սիրիական ժողովրդի լեգիտիմ ներկայացուցիչ:
Հանդիպման ավարտին ԵԽ նախագահ Հերման Վան Ռոմպեյն ասել է, որ ԵՄ-ն միջազգային հարցերով խորհրդին հանձնարարում է քննարկել ընդդիմությանը տրամադրվելիք աջակցության բոլոր տարբերակներն ու միջոցները, և խաղաղ բնակչությանը տրամադրվելիք օգնության հարցը: Նա ևս մեկ անգամ նշել է Սիրիայի նախագահի հրաժարականի անհրաժեշտության մասին:
Սիրիայում անցյալ տարվա մարտից շարունակվում են բախումները ընդդիմության և կառավարության միջև։ Այս ընթացքում զոհվել է ավելի քան 30 հազար մարդ:
