Վերջին շրջանում լրագրողնեը մեծ հետաքրքություն են ցուցաբերում «Մեղքերի քաղաքը» ֆիլմի գլխավոր դերակատարների նկատմամբ, գրում է Spletnik.ru-ն:
Իսկ ֆիլմի գլխավոր դերակատարներից մեկը՝ Ռոսարիո Դոուսոնը, դարձել է Cosmopolitan for Latinas ամսագրի թարմ թողարկման հերոսուհին և պատմել է իր անձնական կյանքի մասին, հիշել դպրոցական տարիներն ու առաջին սերը:
Պարզվում է, որ արտաքինից ուժեղ ու վճռական թվացող դերասանուհին իրականում ռոմանտիկ է և անընդհատ ուշադրության ու հոգատարության կարիք ունի:
«Ես հմայիչ դեռահաս չեն եղել: Եվ նույնիսկ ավարտական երեկոյին մենակ եմ գնացել: Ես ընկեր ունեի, որի հետ հանդիպում էի կրտսեր դպրոցում: Նա ստիպում էր ինձ դասամիջոցներին բռնել իր ձեռքը, սակայն շուտով լքեց ինձ հանուն մեկ այլ աղջկա, ով այդ կանոնին դեմ չէր»:
Ինչպես խոստովանել է դերասանուհին՝ տղամարդկանց հետ հարաբերությունները նա ավելի ուշ է սկսել, քան իր հասակակիցները:
«Ես մինչև 20 տարեկանը պահպանել եմ կուսությունս: Իմ մայրը միայնակ հինգ երեխա է դաստիարակել: Ես չէի ցանկանում համալրել հղի դեռահասների շարքը: Ես ավելի մեծ բանի մասին էի երազում: Ցանկանում էի մեր ընտանիքում քոլեջ ընդունված առաջին մարդը դառնալ»,- խոստովանել է նա:
