Հայաստանը 144 երկրների շարքում 4.01 միավորով 85-րդ տեղում է աշխարհում գլոբալ մրցունակության վարկանիշային աղյուսակում: Այս մասին վկայում է Համաշխարհային տնտեսական ֆորումի փորձագետների պատրաստած՝ «Գլոբալ մրցունակություն 2014-2015» զեկույցը, որը հրապարակվել է սեպտեմբերի 3-ին:
Նախորդ տարի մեր երկիրն այս ցուցակում զբաղեցրել է 79-րդ տեղը:
Ցուցակում առաջին տեղում, ինչպես և նախորդ տարի, Շվեյցարիան է: Երկրորդ տեղում Սինգապուրն է: Հետազոտության հիմքում ընկած են ընդհանուր հասանելի տվյալների մշակումը և զեկույցում նշված 144 երկրներում ընկերությունների 14 հազար ղեկավարների հարցման արդյունքները:
Երրորդ տեղում ԱՄՆ-ն է, նախկինում զբաղեցնում էր 5-րդ տեղը:
Ադրբեջանը 38-րդ տեղում է (նախորդ տարի՝ 39), Թուրքիան՝ 45-րդ (նախորդ տարի՝ 44), Իրանը՝ 83-րդ (նախորդ տարի՝ 82), Վրաստանը՝ 69-րդ (նախորդ տարի՝ 72): Այս ցուցակում Ռուսաստանը 53-րդն է (նախորդ տարի՝ 64):
Մնացաշ առաջին տասնյակն այսպիսի տեսք ունի՝ Ֆինլանդիա՝ (4-րդ), Գերմանիա (5-րդ), Ճապոնիա (6-րդ), Հոնկոնգ (7-րդ), Նիդերլանդներ (8-րդ), Մեծ Բրիտանիա (9-րդ) և Շվեդիա (10-րդ):
Եվրոպական երկրներից Ֆրանսիան 23-րդն է, Իսպանիան՝ 35-րդը, Պորտուգալիան՝ 36-րդը, Իտալիան՝ 49-րդը, Հունաստանը՝ 81-րդը:
Մրցունակության բարելավման հետ դժվարություններ ունեն նաև այնպիսի զարգացող երկրներ, ինչպիսիք են՝ Սաուդյան Արաբիան (24-րդ), ՀԱՀ-ը (56-րդ), Բրազիլիան (57-րդ), Մեքսիկան (61-րդ), Հնդկաստանը (71-րդ), Նիգերիան (127-րդ): Այս բոլոր երկրների ցուցանիշը նվազել է նախորդ տարվա համեմատ:
