Die Welt թերթը, հղում անելով Եվրահանձնաժողովի որոշ փաստաթղթերի, հայտնում է, որ եվրոպական երկրների իշխանությունները պատրաստվում են լրջորեն խստացնել հակածխախոտային օրենքը:
Մոտ ժամանակներս փոփոխությունները կարող են վերաբերել ոչ միայն ծխախոտի տուփերի` միանգամից երկու կողմերում ծխելու վնասակարության մասին գրառումների մեծացմանը, այլև հենց ծխախոտներին: Համապատասխան որոշումից հետո եվրոպական խանութներից կարող են ընդհանրապես անհետանալ ցանկացած հավելումով և համով ծխախոտները` լինեն դրանք վիտամիններով, կոֆեինով, տաուրինով կամ մենթոլով: Բարակ ծխախոտները ևս կհանվեն շուկայից, քանի որ փաստաթղթի նախագծի համաձայն` ծխախոտի տրամագիծը չպետք է 7.5 միլիմետրից քիչ լինի` հայտնում է պարբերականը:
Հայնի է, որ հակածխախոտային օրենքի խստացումը վաղուց էր ներառված Եվրահանձնաժողովի ծրագրերում: Պարբերականի տվյալներով` հերթական ձգձգման պատճառը կոռուպցիայի մեջ մեղադրվող առողջապահության հարցերով եվրակոմիսար Ջոն Դալիի պաշտոնաթողությունն էր:
