Ֆրանսիան դեկտեմբերի 13-ին հայտարարել է հակածխախոտային ակցիայի լիակատար տապալման մասին, որը երկրում անցկացվում է արդեն մի քանի տարի՝ հաղորդում է Agence France-Presse-ը:
Այս մասին հայտարարել է Դիդե Միգոն իր զեկույցում` նվիրված հակածխախոտային ակցիայի վրա բյուջետային միջոցների ծախսմանը: Նրա խոսքերով՝ ծխելու հետևանքով առաջացած հիվանդությունների հետևանքով երկրում շարունակում է մահանալ 73 հազար մարդ: Այսպիսով` մահացության հիմնական պատճառներից մեկը ծխախոտն է:
Միգոյի խոսքերով՝ հասարակական վայրերում 2007թ.-ից գործող ծխելու արգելքը որևէ կերպ չի նպաստել երկրում ծխողների քանակի նվազեցմանը: Այն նվազել է 35%-ից մինչև 31%` 2000թ.-ից, սակայն կրկին աճել է մինչև 34%` 2010թ.-ի տվյալներով:
Միգոն Ֆրանսիան համեմատել է Մեծ Բրիտանիայի հետ, որտեղ ծխողների թիվը նվազել է 30-ից մինչև 20%: Միգոն դա պայմանավորում է Ֆրանսիայում հակածխախոտային օրենքների ավելի խիստ լինելով:
Ըստ Դիդե Միգոյի՝ ծխելու դեմ պայքարի հաջողության միակ գրավականը գների հետագա բարձրացումն է: Նա նաև հավելել է, որ անհրաժեշտ է օգնել ծխելը թողնել ցանկացողներին:
