Նիդեռլանդները Թուրքիային մեկ տարով կտրամադրի զենիթահրթիռային համալիրի երկու մարտկոց։ Հայտարարել է երկրի վարչապետ Մաար Ռյուտեն։
ՆԱՏՕ-ի խորհուրդը՝ ԱԳ նախարարների մակարդակով, դեկտեմբերի 4-ին բավարարել է Թուրքիայի խնդրանքը՝ տրամադրելով «Փեթրիոթ» ԶՀՀ-ներ։ Թուրքիան դրանք տեղադրելու է Սիրիայի հավանական հարձակումներից պաշտպանվելու համար։ ՆԱՏՕ-ի անդամ երկրներից այդպիսի համալիրներ ունեն Նիդեռլանդները, ԳՖՀ-ն և ԱՄՆը։ Դեկտեմբերի սկզբին այս քայլը հավանության է արժանացրել նաև Գերմանիան։
Այս մասին այսօր Ռյուտեն զեկուցել է ՆԱՏՕ-ի գլխավոր քարտուղար Ռասմուսենին։
Ըստ «Փեթրիոթ» պարբերականի «Փեթրիոթ» մարտկոցները կտեղադրվեն Թուրքիայի վեց շրջաններում։ Նրանցից յուրաքանչյուրի գործարկմանը կմասնակցի մոտ 40 մարդ։ Ամենայն հավանականությամբ Թուրքիա կժամանի 250-300 զինվոր։ ՆԱՏՕ-ում ՌԴ-ի մշտական ներկայացուցիչ Ալեքսանդր Գրուշկոն ավելի վաղ հայտարարել էր, որ ՆԱՏՕ-ի նման քայլը նշանակում է միջամտել ներքին հակամարտությանը։
