Արարատի մարզի Ն.Դվին գյուղում հայտնի հողագործ Գևորգ Նազարյանի դաշտերը միշտ աչքի են ընկել առատությամբ, սակայն այս տարի բերքի մեծ մասը ցրտահարվել է՝ վաղհաս սալոր, կեռաս, ընկույզ ընդհանրապես չի եղել: Հողագործը նախատեսել էր 100 տոննա ծիրան ստանալ, բայց ծիրանի բոլորը ծառերը ցրտահարվել էին: Գևորգ Նազարյանը նկատեց՝ եկամուտ հիմա չի կարողանում ստանալ, տուժել է, ընդ որում՝ վարկեր ունի՝ շուրջ 30 հազար դոլար, ասում է, մայր գումարից հիմա չի վճարելու, միայն տոկոսը, բայց դա էլ քիչ չէ, բացի այդ՝ հսկայական գումարներ են ծախսվել մշակության համար. «Տարեկան մոտ 10-15 հազար դոլարի չափով թունաքիմիկանտներ եմ ձեռք բերում՝ չհաշված հողի հարկ, տարա, ջրի հարկ», ասաց նա՝ հավելելով, որ միայն դեղձի ծառերն են բերք տվել, բայց էժան են մթերում որակյալ դեղձը՝ 150 դրամով. «Ֆուռավիկները տանում են Ռուսաստան, էդա 150 դրամից թանկ չկա», մանրամասնեց հողագործը՝ հավելելով, որ եթե գյուղացուն թողնեն, կկարողանա իր բերքը ՌԴ շուկա արտահանել, բայց այստեղ էլ մաքսային, սահմանային ծախսերը աստղաբաշխական թվեր են. «Ռաստամոշկա-զատամոշկեքը հանեն կամ խելքին մոտ գումար դնեն, ահագին թանկ ա նստում, կոտրում է գյուղացու մեջքը, անցած տարի ես տարել էի 7000-800 հազար դոլար՝ 20 տոննա բերքին, դե մի հազարը դրանից միջնորդին», եզրափակեց նա:
Առավել մանրամասն՝ տեսանյութում։
