18-ամյա Քենդալ Ջեները պատրաստվում է շարունակել իր կարիերան մոդելային բիզնեսում: Վերջերս հայտնի է դարձել, որ հետագայում իր պրոֆեսիոնալ գործունեության մեջ նա պատրաստվում է հրաժարվել սեփական ազգանունից, գրում է Spletnik.ru-ն:
Հիշեցնենք, որ Քենդալը բավական արագ է պահանջված մոդել դարձել: Բոլորովին վերջերս նա մասնակցել է Givenchy-ի գովազդային արշավին, ինչպես նաև Chanel-ի և Marc Jacobs-ի ցուցադրություններին: Եվ ձեռք բերվածի վրա կանգ առնել նա չի պատրաստվում: Ավելին, Քիմի խորթ քույրը կարծում է, որ իրական հաջողությունը դեռ առջևում է, իսկ առայժմ ինքը գրեթե ոչնչի չի հասել:
«Բոլորը կարծում են, որ ես հասել եմ հաջողության, փառքի, ճանաչվածության: Սակայն դա այդպես չէ: Այն ամենը, ինչ ես ունեմ, այժմ իմ դեմ է աշխատում: Ինձ համար նույնիսկ ավելի դժվար է, քան մյուս հայտնի աղջիկների. ինձ հաճախ լուրջ չեն ընդունում: Քասթինգների ժամանակ ստիպված եմ լինում բախվել կանխակալ վերաբերմունքի: Այդ պատճառով էլ ես շատ եմ ուրախանում, երբ ինձ չեն ճանաչում»:
Սակայն լրագրողները կասկածում են, որ Քենդալլը բավականին փառասեր է և չի համբերում, թե երբ պետք է իր անունն էլ դրվի այնպիսի տիպարների անունների կողքին, ինչպիսիք են Նաոմին, Քլաուդիան, Քեյթը կամ Ժիզելը, որոնց անուններն առանց ազգանվան էլ արդեն շատ բան են ասում:
