Հունաստանը վտարել է Սիրիայի դեսպանին ու ևս երկու դիվանագետի: Այժմ Աթենքում Սիրիայի Արաբական Հանրապետության դիվանագիտական առաքելությունը կցուցաբերի միայն հյուպատոսային ծառայություններ, այն էլ՝ ոչ լիարժեք ծավալով: Այս մասին հայտնում է ITAR-TASS-ը:
«Մենք հույս ունենք, որ տրամաբանությունը, վերիվերջո, իշխանություն կհասատատի Սիրիայի հակամարտող կողմերի վրա, և իրավիճակն այդ ընկերական երկրում կնորմալանա»,- ասվում է Հունաստանի ԱԳՆ հայտարարությունում:
Հայտարարությունում նաև հույս է հայտնվում Դամասկոսում հունական հյուպատոսության «լիարժեք բացման» մասին, երբ այդ երկրում պայմանները հնարավոր դարձնեն երկկողմ հարաբերությունների բազմակողմանի զարգացումը»: Հիշեցնենք, որ այն փակվել էր 5 ամիս առաջ:
