«Ես կարծում եմ, որ Վլադիմիր Պուտինն ապրում է իր սեփական աշխարհում: Նա սարսափելի շատ սուտ է ստեղծել այն հարցում՝ ով է պատասխանատու Սովետական Միության կազմալուծման համար: Նա դա անվանում է ХХ դարի մեծագույն աղետ: Դժվար է հավատալ՝ հաշվի առնելով, որ այդ շրջանում եղել է 2 համաշխարհային պատերազմ, միլիոնավոր մարդիկ են զոհվել, նրանց թվում՝ ռուսներ: Սա առաջին սուտն է»,- CBSNews հեռուստաալիքի եթերում «Ազգի դեմքը» կլոր սեղանի ժամանակ իր ելույթում ասել է ԱՄՆ նախկին պետքարտուղար Մադլեն Օլբրայթը:
Օլբրայթի խոսքով՝ Պուտինի երկրորդ մեծ սուտը սեփական երկրի միջոցով «ամեն ինչ պրոպագանդելու», հետո դա Կենտրոնական և Արևելյան Եվրոպա հեռարձակելու փորձն է:
«Կարծում եմ՝ նա ուզում է իրեն վերականգնել որպես ռուս ազգայնականության անձնավորում, հետո անել իրենից կախված ամեն ինչ՝ Սովետական Միությանը նման մի բան վերականգնելու համար: Ոչ ուղղակի իմաստով, այլ որպես Ռուսաստանի շուրջ երկրների խումբ, որոնք լիովին ենթարկվում են իրեն և Կրեմլին,- ասել է Օլբրայթը:- Եվ մինչև նա չստանա այն, ինչ ուզում է, կաշխատի Արևելյան Եվրոպայում իրավիճակի ապակայունացման ուղղությամբ»:
Օլբրայթի կարծիքով՝ միջազգային հարթակում ներկայիս իրավիճակը զգալիորեն տարբերվում է ХХ դարի երկրորդ կեսի իրադրությունից:
«Մենք բոլորս մեծացել ենք բոլորովին այլ դարաշրջանոմ, որտեղ կենտրոնացած էինք Սովետական Միությունից եկող վտանգի վրա, և դա գործունեության հիմնական տեսակ էր: Եվ դա ակնհայտորեն վտանգավոր էր:
Այն, որ մենք հակամարտություններ ենք տեսնում տարբեր տեղերում, մասնավորապես, պայմանավորված են գլոբալացմամբ, որը դարձել է ազգայնականության ծաղկման պատճառ այն երկրներում, որտեղ մարդիկ իրենց կորած են զգում գլոբալ միջազգային հանրության առջև»,- ասել է նա:
