Երեքշաբթի ԱՄՆ Օրեգոն նահանգի Փորթլենդ քաղաքի արվարձանի առևտրի կենտրոններից մեկում կամուֆլյաժով և սպիտակ դիմակով տղամարդը կրակ է բացել՝ սպանելով 2 և վիրավորելով 1 մարդու: Այս մասին հայտնում է Associated Press-ը:
Գնորդները, որոնք զբաղված էին սուրբծննդյան գնումներով, խուճապահար գետնին են նետվել կամ փախել առևտրի կենտրոնից: Տեղի ոստիկանության տվյալներով՝ տղամարդը սպանվել է դեպի վայր հասած իրավապահների կողմից: Ոստիկանությունը սպանվածի անունը չի հայտնում և դեպքի այլ մասնամրասներ չի ներկայացնում:
Առևտրի կենտրոնի աշխատակիցը հաստատում է, որ տղամարդը զինված է եղել հրացանով և իր վրա ուշադրություն է հրավիրել ՝ասելով. «Ես հրաձիգ եմ»: Նրա հագին նաև զրահաբաճկոն է եղել: Ամենայն հավանականությամբ, նա հանցակիցներ չի ունեցել:
