Արևմտյան Վրաստանի Զեստաֆոնի քաղաքի բնակիչները կիրակի օրը` օգոստոսի 24-ին` ի նշան սառը ջրի բացակայության դեմ բողոքի` իրենց գլխին դատարկ դույլեր և տարաներ են հագցրել` Ice Bucket Challenge բարեգործական ակցիայի շրջանակներում: Այս մասին հաղորդում է Interfax-ը:
Ակցիայի լուսանկարը տեղադրվել է սոցիալական կայքերում: Քաղաքի բնակիչները նման կերպ հույս ունեն ուշադրություն հրավիրել իրենց քաղաքում ջրի երկարատև բացակայության վրա:
Հիշեցնենք, որ Ice Bucket Challenge համաշխարհային ֆլեշմոբի նպատակն է կենտրոնական նյարդային համակարգի` կողմնային ամիոտրոֆիկ սկլերոզի ուսումնասիրությունն ու բուժման միջոցներ գտնելը:
