Իրանի նախագահ Հասան Ռուհանին սեպտեմբերի վերջին պաշտոնական այցով կմեկնի Ռուսաստան՝ մասնակցելու Աստրախանում 4-րդ Կասպյան գագաթնաժողովին: Այս մասին հայտնում է Press TV-ն:
«Իրանի նախագահը պլանավորել է այցելել Ռուսաստան սեպտեմբերի 29-ին»,- ասվում է հեռուստաալիքի հաղորդագրության մեջ:
2014թ. սեպտեմբերին առաջին անգամ Ռուսաստանում տեղի կունենա կասպյան 5 պետությունների ղեկավարների հանդիպում:
Իրանի, Ադրբեջանի, Ղազախստանի, Թուրքմենստանի և Ռուսաստանի ներկայացուցիչները կհանդիպեն Աստրախանում՝ լուծելու Կասպիցի իրավական կարգավիճակի հարցը և քննարկելու միջազգային փոխգործակցության հարցը մերձկասպյան տարածքներում: