ԱԺ ԲՀԿ խմբակցության պատգամավոր Վահե Էնֆիաջյանը մեզ հետ զրույցում մեկնաբանեց կոալիցիայի ներկայացրած Ընտրական օրենսգրքի նախագծի դրույթը, ըստ որի՝ բարեգործական կազմակերպությունները, որոնց անվանումները կարող են նմանեցվել կամ որոնք կարող են ասոցացվել կամ նմանեցվել որոշակի թեկնածուների կամ կուսակցությունների հետ, իրավունք չեն ունենա նախընտրական քարոզչության ժամանակ բարեգործություն իրականացնելու:
Նկատենք, որ ԲՀԿ նախագահ Գագիկ Ծառուկյանն ունի «Գագիկ Ծառուկյան» բարեգործական հիմնադրամ:
«Օրենքը ոնց ընդունվեց, օրենքի դրույթները բոլորի համար էլ պարտադիր են լինելու, և բոլորն էլ իրենց գործունեությունը ծավալելու են օրենքի շրջանակներում: Օրենքին հակառակ ոչ արել ենք, ոչ էլ կանենք, և ոչ էլ թույլ կտանք՝ ուրիշներն անեն»,- ասաց նա:
Մեր հարցին, թե արդյոք ՀՀԿ-ն այսպես ԲՀԿ-ի դե՞մ քայլ չի անում, Էնֆիաջյանը պատասխանեց. «Դա ձեր տեսակետն է»: