Չինաստանի հյուսիսում ոստիկանությունը ձերբակալել է յոթ մարդու, որոնք կասկածվում են երեխաներին արյուն հանձնել ստիպելու համար՝ գրում է BBC-ի ռուսական ծառայությունը։
Ըստ չինական պետական լրատվամիջոցների՝ ձերբակալվածներից մեկը՝ դոնորական կենտրոնի ղեկավարի տեղակալը, ոստիկանությանը պատմել է, որ իր վրա ճնշում են գործադրում, որպեսզի ավելացնի դոնորների քանակը։
Ինչպես հաղորդում են չինական ԶԼՄ-ները, հղում անելով պետական անվտանգության նախարարության ներկայացուցչին, կասկածյալները առնվազն ութ երեխայի ավելի քան մեկուկես տարվա ընթացքում ստիպել են արյուն հանձնել ամենաքիչը ամիսը մեկ։
Պաշտոնյաների խոսքերով՝ նրանք օգտագործել են կեղծված փաստաթղթեր, քանի որ Չինաստանում
օրենքով արյուն կարող են հանձնել 18 տարեկանից սկսած։
Հաղորդվում է, որ երեխաներին ծեծել են, եթե նրանք չեն համաձայնել համագործակցել։
