Կատալոնական «Բարսելոնա»-ի և Ուրուգվայի հավաքականի հարձակվող Լուիս Սուարեսի որակազրկումը մնացել է ուժի մեջ:
Լոզանի սպորտային արբիտրաժային դատարանը (CAS) չի կրճատել որակազրկման ժամկետը: Սակայն ուրուգվայցի հարձակվողը հնարավորություն է ստացել մասնակցելու «Բարսելոնա»-ի ընկերական հանդիպումներին, ինչպես նաև մասնակցել «կապտանռնագույններ»-ի մարզումներին: Ֆուտբոլիստն իր նորամուտը կարող է նշել «Բարսելոնա»-ի կազմում օգոստսի 18-ին, երբ կատալոնական ակումբը Գամպերի Գավաթի խաղարկության ժամանակ կմրցի մեքսիկական «Լեոն»-ի հետ:
Նշենք, որ Իտալիայի հավաքականի պաշտպան Ջորջիո Կիելինիի ուսը կծելու համար Սուարեսը որակազրկվել է 4 ամսով: Նա չէր կարող նաև մասնակցել ֆուտբոլային ցանկացած միջոցառման կամ մարզման: Դա նշանակում է, որ Սուարեսը «Բարսելոնա»-ի կազմում իր առաջին պաշտոնական հանդիպումը կանցկացնի հոկտոեմբերի 26-ին՝ «Ռեալ»-ի դեմ:
