Լիբանանի միապալատ խորհրդարանը նորից չի կարողացել երկրի նախագահ ընտրել: Քվեարկությանը մասնակցել է 57 պատգամավոր, մինչդեռ որպեսզի այն կայանար, դահլիճում պետք է ներկա լիներ 128 պատգամավորից 86-ը: Այս մասին հայտնում է ITAR-TASS-ը՝ հղում անելով խոսնակի մամլո քարտուղար Մուհամմեդ Բալութին:
«Ընտրությունները քվորումի բացակայության պատճառով տեղափոխվել են սեպտեմբերի 2-ին»,- լրագրողներին հայտնել է Բալութը: Ինքը՝ պալատի նախագահ Նաբիհ Բերին, ինչպես նաև վարչապետ Թամամ Սալյամը, այս անգամ չեն գնացել խորհրդարանական պալատ, ինչը խոսում է այն մասին, որ սիրիամետ և արևմտամետ խմբակցությունների տարաձայնությունները երկրի՝ բոլորի համար ընդունելի ղեկավարի հացում մնում են չհարթված:
Քվեարկության առաջին փուլն անցկացվել է ապրիլի 23-ին, բայց անարդյունք: Այդ ժամանակից բոլոր քվեարկությունները տապալվել են քվորումի բացակայության պատճառով:
