Անգլիական Միդլսբորո քաղաքի տարեց բնակչուհի Ռեյչել Ֆուլերթոնը վիճակախաղով 500 հազար ֆունտ է շահել, հաղորդում է Gazette Live-ը:
Կինը երկար տարիներ վիճակախաղ է խաղացել՝ միշտ նույն թվի վրա դնելով: Եվ վերջապես, նա շահել է վիճակախաղի գլխավոր մրցանակը:
Խոսելով այն մասին, թե ինչի վրա է պատրաստվում ծախսել շահումը, կինը հայտարարել է, որ ցանկանում է տեղափոխվել իր ընտանիքի մոտ: Նա ամբողջ կյանքում ապրել է փոքր Միդլսբորոյում, իսկ այժմ լրջորեն մտածում է բնակության վայրի փոփոխության մասին:
Չնայած իր տարիքին՝ Ռեյչլը ապագայի պլաններ է կառուցում. «Ես զգում եմ, որ իմ կյանքում նոր էջ է բացվում: Եվ դա իմ տարիքի մարդու համար հիանալի զգացողություն է»:
