Վեց տարի առաջ Վրաստանը կորցրել է 169 զինծառայողի, բայց մենք չենք կորցրել արժանապատվությունը՝ հայտարարել է Վրաստանի պաշտպանության նախարար Իրակլի Ալասանիան: Այս մասին հայտնում է «Գրուզիա Օնլայն»-ը:
«6 տարի առաջ Վրաստանը 169 զինծառայողի կորցրեց, բայց մենք չկորցրինք սեփական արժանապատվության զգացումը, առաջին հերթին՝ վրացի զինվորները: Ամենուր, որտեղ ծածանվում է Վրաստանի հինգխաչանի դրոշը, վրացի զինվորը պատվով ու արժանապատվությամբ տանում է ծառայությունը: Մեր երկիրը երբեք ծնկի չի գա, և ես վստահ եմ, որ մենք կկարողանանք ապահովել մեր երկրի տարածքային ամբողջականության և ինքնիշխանության պաշտպանությունը»,- նշել է Ալասանիան:
