11-ամյա տղան անհավանկան կերպով զգացել է արհավիրքի մոտենալը: Նա պնդել է, որպեսզի ծնողները թույլ տան նրան իրենց սենյակում քնել, գրում է Mirror-ը:
Կիրակի օրը Բրազիլիայի հյուսիս-արևելքում ինքնաթիռ էր կործանվել: Այն ընկել էր բնակելի տան վրա, որտեղ գտնվել էին ամուսիններ Մարսիո Անդրեն և Սաբրինա Էրտելլը իրենց 11-ամյա որդու՝ Աուգուստո Տյագոյի հետ միասին: Բարեբախտաբար, նրանք ողջ են մնացել:
Ինչպես հաղորդում է տաբլոիդը՝ երեկոյան Աուգուստոն վիճել է հոր հետ՝ փորձելով թույլտվություն ստանալ ծնողների սենյակում քնելու համար:
Երբ ընտանիքը քնած է եղել, նրանց տան վրա ինքնաթիռ է ընկել, և տղայի սենյակը լցվել է օդանավի վառվող կտորներով:
Ինքնաթիռի ընկնելուց արթնացած ընտանիքը պատուհանից դուրս է ցատկել:
Աուգուստոյի սենյակը տեսնելով ծնողները հավատում են, որ գերբնական ուժերը օգնել են երեխային զգալ արհավիրքի մոտենալը և թաքնվել շենքի այն մասում, որը կարող էր պահպանվել:
Տեղեկատվության համաձայն՝ ինքնաթիռը 87-ամյա Մարիա դե Խեսուս Քրուս է Սիլվային հիվանդանոցից քաղաք էր տեղափոխում: Մարիան, ինչպես նաև ինքնաթիռում գտնվող 5 այլ մարդիկ՝ նրա դուստրը, թոռը, ինչպես նաև օդաչուն և նրա կինը մահացել են:
