«Առաջին լրատվական»–ի զրուցակիցն է ՀԱԿ Շիրակի մարզի տարածքային կառույցի ղեկավար, ՀԱԿ վաչության անդամ, նախկին քաղբանտարկյալ Հարություն Ուռուտյանը:
–Պարոն Ուռուտյան,քառյակը 12 կետանոց պահանջներ է ներկայացրել իշխանություններին ՝ խոստանալով դրանք չբավարարելու դեպքում աշնանը հանրահավաքներ անցկացնել: Ըստ Ձեզ՝ինչքանո՞վ են այդ 12 կետերն արտացոլում հասարակության պահանջները:
–12 կետերն իսկապես արտացոլում են մեր քաղաքացիների հոգսերը: Ես կողմնակից եմ այդ կետերին, կողմնակից եմ նաև,որ հանրահավաքներ լինեն, պետք է մինչև վերջ պայքարել և սրանցից շուտափույթ ազատվել:12 կետերը բխում են մեր ժողովրդի հոգուց:
–Այսինքն՝վստահ եք, որ իշխանությունները չեն բավարարի այդ 12 կետերը և հանրահավաքնե՞ր կլինեն:
–Անպայման: Եթե ինչ-որ բան էլ անեն, մեկ է՝պետք է հանրահավաքներ անել, այսօրվա իշխանություններից հոգնելէ ժողովուրդը: Չեն կարողանում արդարացնել ոչ ներսի քաղաքականությունը, ոչէլ դրսի:Իրենք արդեն փտել են, հոտել: Ես ոչ մի խնդիր չունեմ, բարձրաձայն ասում եմ՝ սրանց վերջը եկել է:
–Պարոն Ուռուտյան,քառյակի ուժերից երկուսը՝ ՀԱԿ-ն ու «Ժառանգություն»-ը,մշտապես կողմ են եղել Սերժ Սարգսյանի հրաժարականին և պահանջել են իշխանափոխություն, մյուս երկու ուժերը դա չեն ուզում: Արդյոք ընդհանուր նպատակի համար դա չի՞խանգարի:
–Ես չէի ասի, որովհետև չորս միասնական ուժերը՝լավագույն քառյակը միավորվել է: Իշխանություններն ուզում են Սահմանադրության մեջ փոփոխություններ կատարել, բայց չորս կուսակցությունները դա թույլ չեն տա:
–Նկատի ունեմ այն, որ «Բարգավաճ Հայաստանն» ու Դաշնակցությունը Սերժ Սարգսյանի հրաժարականը չեն պահանջում:
–Կգա ժամանակը, որ կպահանջեն, ժողովուրդը կզգա, որ դա իրոք անհրաժեշտ է, իրոք պետք է մեր ժողովրդին: Մեկ ամսվա ընթացքում ամեն ինչ կերևա, ժողովրդի հետ դուրս կգանք փողոց ու կպահանջենք Սերժ Սարգսյանի հրաժարականը:
–Նոր կառավարություն է ձևավորվել, շատերն ասում են, թե պետք է ժամանակ տալ, գուցե կարողանան դրական փոփոխություններ մտցնել:
–Ես հիվանդությանս պատճառով դրսում էի, բուժվում էի, բայց երեք օր առաջ վերադարձել եմ:Ես թե՛ վարչությունում, թե՛ մարզում ժողովրդի հետ հանդիպելով՝հասկացա, որ մարդիկ էլ չեն կարողանում պահել իրենց հոգսերը: Բոլորը դուրս են գալու փողոց և պահանջելու են Սերժ Սարգսյանի հրաժարականը:Արագ է լինելու, սրանցից ազատվելու ենք:
–Պարոն Ուռուտյան, երբ քառյակն իշխանություններին 12 կետանոց պահանջ ներկայացրեց, դրանց համաձայնեց նաև երկրորդ նախագահ Ռոբերտ Քոչարյանը…
–Կներես, որ ընդհատում եմ՝ դրա անունը մի տուր, ինքը չկա, քաղաքական դիակ է: Նրա անունը մի տվեք, նա չկա, ես նրան չեմ ընդունում: Եթե Լևոն Տեր-Պետրոսյանը 10 տարի լռեց, մենք գիտեինք, թե ինչու է լռում, բայց նա դուրս եկավ ու չգիտես՝ինչովէ զբաղվում: Թող գնա իր տղու բզինեսներն ապահովի, նրանից ի՞նչ քաղաքական գործիչ, նա այդպիսին չի եղել ու չի էլ լինի:
–Այսինքն բացառո՞ւմ եք, որ քառյակի հետ միասին դուրս գա Սերժ Սարգսյանի դեմ:
–Ամոթ է, որ քառյակը միանա դրան: Ես ասում եմ՝գրեք հենց այդպես էլ.եթե Քոչարյանը միանա քառյակին, ես դուրս կգամ Կոնգրեսից:
