ԱՄՆ նախագահ Բարաք Օբամայի ռուսական նվերները հայտնվել են նրա վատագույն նվերների ցուցակում՝ գրում է The Washington Post-ը: Թերթը հիշել է բոլոր 274 նվերների մասին, որոնք ԱՄՆ նախագահը ստացել է 2009-2012թթ. ընթացքում այլ երկրների կողմից: Պարբերականը կազմել է նաև Օբամայի ծննդյան օրվա կապակցությամբ լավագույն և վատագույն նվերների ցուցակը. նա տարեդարձը տոնում էր օգոստոսի 4-ին:
Նշվում է, որ ԱՄՆ նախագահը պահում է իրեն հանձնված բոլոր նվերները: Սովորաբար դրանք փոխանցվում են Փաստաթղթերի ու արխիվի ազգային վարչություն: Նվերների ընդհանուր արժեքը, ըստ թերթի, կազմում է 717 հազար դոլար:
Լավագույն նվերների ցուցակը գլխավորում է Մեքսիկայից 2012թ. ստացած ացտեկների օրացույցը, որ պատրաստված է արծաթից: Հետո գալիս է նեֆրիտից պատրաստված ձեռնափայտը՝ Նոր Զելանդիայից, Մեծ Բրիտանիայից փինգ-փոնգի սեղանը (2012 ), չորս շիշ տեկիլա՝ Մեքսիկայից (2009 ), ինչպես նաև չժանգոտվող պողոպատից ժամացույցը:
Վատագույն նվերների վարկանիշում հայտնվել են Blu-ray սկավառակների հավաքածուն՝ Ռուսաստանից (2010 ), Samsung Galaxy Tab, Galaxy Tab-ի մարտկոցի լիքավորող սարքը և տեսալար՝ Հարավային Կորեայից (2010 ), MP3 նվագարկիչ Creative և GoGo մերսող սարք՝ Սինգապուրից (2010), CD-ների փայտե արկղ՝ Ռուսաստանից (2009) և Լեհաստանի կողմից Witcher 2 տեսախաղ (2011):
