Չինաստանի կենտրոնական հատվածում ոստիկանությունը ձերբակալել է մի երիտասարդի, ով կասկածվում է ինքնաթիռում ռումբի առկայության մասին կեղծ ահազանգ հաղորդելու մեջ, գրում է «Սինհուա» գործակալությունը:
Դեկտեմբերի 1-ին China Southern Airlines ավիաընկերության երկու ավիաչվերթ հարկադիր վայրջք էին կատարել այն բանից հետո, երբ անհայտ տղամարդն ահազանգել էր, որ ինքնաթիռում ռումբ է գտնվում: Իրականում ահազանգը կեղծ էր եղել:
Նախնական հաշվարկներով՝ պատահարը ավիաընկերության և ցամաքային ծառայությունների համար արժեցել է մոտ 56 հազար դոլար:
Ոստիկանությանը հաջողվել է ձերբակալել 23-ամյա տղամարդուն, ով էլ եղել է կեղծ ահազանգի հեղինակը:
Ձերբակալվածը խոստովանել է իր արարքը՝ բացատրելով, որ նման քայլի է դիմել, քանի որ հարազատները հրաժարվել են ֆինանսական օգնություն տրամադրել իրեն, երբ ինքը կորցրել է աշխատանքը:
Վերջին ամսիների ընթացքում Չինաստանում հաճախակի են դարձել ինթնաթիռը պայթեցնելու մասին կեղծ հաղորդագրությունները: Մասնավորապես, հոկտոմբերին հարկադիր վայրէջք կատարեց Ստամբուլ-Պեկին ավիաչվերթը, իսկ նոյեմբերին՝ Պեկինից Նյու Յորք ավիաչվերթը: Երկու դեպքում էլ ահազանգերը կեղծ էին, իսկ չարագործները ձերբակալվեցին:
