Մարտական հենակետերում վստահեցնում են՝ կրակոցներից դիրքերում խուճապ չկա, մեր սահմանները անառիկ են. «Իրենք փորձում են ցույց տալ, որ հիմա կռիվ են սկսելու, բայց ընտենց բան չկա, երբ սկսում են կրակել, հենց առաջին իսկ պահից ծնկի ենք բերում ոնց որ պետք է, մենք պատրաստ ենք թե այսօր, թե վաղը, թե միշտ, երբ ուզեն։ Խուճապի մատնվել պետք չէ, նույն թուրքն է. պատմությունը ցույց է տվել՝ մենք ով ենք, թուրքն ով է», «Առաջին լրատվական»-ի հետ զրույցում Հյուսիսային հատվածում գտնվող մարտական հենակետերից մեկում ասաց պայմանագրային զինծառայող Արայիկ Վարդանյանը, որին տանը երկու երեխա է սպասում: Նրա մարտական ընկերները ևս վստահեցնում էին՝ հակառակորդը պարբերաբար հետ է շպրտվում։ «Վախկոտ է, հենց դրա համար էլ անզեն գյուղացիների ուղղությամբ է փորձում կրակել, սակայն այսօր բանակը չի հանդուրժի ոչ մի ոտնձգություն մեր սահմանների, մեր բնակչության նկատմամբ», ասացին զինվորները:
Փոխգնդապետ Լեռնիկ Բաբայանը «Առաջին լրատվական»-ի հետ զրույցում ընդգծեց, որԱդրբեջանի ոտնձգությունները կանխելու համար թե մարտունակ զինվորներ ունենք և թե տեխնիկա, զենք-զինամթերք, թող Ադրբաջենը զենքով չպարծենա, թողնելու են ու փախչեն, ինչպես Արցախյան պատերազմի տարիների։ «Ես Ադրբեջանի կառավարությանը հորդորում եմ խելամիտ լինեն և հանգիստ ապրեն, մեզ չհրահրեն։ Աստված մի արասցե, պատերազմը նորից սկսվի, կփարատվեն միայն Բաքվի մոտ կանգնելով»,- ասաց նա:
Առավել մանրամասն՝ տեսանյութում