Թունիսի մայրաքաղաք Թունիսում բախումներ են տեղի ունեցել կառավարամետ իսլամիստական խմբավորումների և երկրի խոշորագույն արհմիության անդամների միջև: Ինչպես հաղորդում է Associated Press-ը, փորձագետները ենթադրում են, որ հակամարտութան պատճառը արհմիության հակակառավարական դիրքորոշումն է:
Թունիսի աշխատավորների գերագույն արհմիության կազմակերպած երթը նվիրված է եղել 1952 թ. սպանված ազգային արհմիության առաջնորդի հիշատակին: Երթի ժամանակ «Հեղափոխության պաշտպանության լիգայի» անդամները հարձակվել են նրանց վրա:
«Հեղափոխության պաշտպանության լիգան» բացահայտորեն աջակցում է իսլամիստների «Վերածնունդ» կուսակցությանը, որը գերիշող ուժ է Թունիսում Զին Ալ-Աբիդին բեն Ալիի վարչակարգի տապալումից հետո:
Արհիմությունները դժգոհում են, որ նոր կառավարությունը չի կարողանում լուծել գործազրկության խնդիրը երկրում:
