Հուլիսի 29-ին Ուկրաինայի Վինիցկայա մարզի նահանգապետ Անատոլի Օլեյնիկը Վինիցկայի մարզային վարչության և մարզխորհրդի անունից 4 բնակիչների հանձնել է շնորհակալագրեր, ինչպես նաև արժեքավոր նվերներ՝ սմարթֆոններ: Նրանք առանձնացել են հակաահաբեկչական գործողության ընթացքում: Այս մասին հայտնում է «Վիննիցա-ՕԿ» կայքը:
Վաշտի հրամանտարի տեղակալ Միխաիլ Կարպան, Վաշտի ենթասպա Վիկտոր Վերգելեսը, ավագ զինվոր Ալեքսանդր Սահակյանը և շարքային Մաքսիմ Բարչուկը ծառայում են Ուկրաինայի Ազգային գվարդիայի առաջին պահեստային գումարտակում, որը տեղակայված է Սլավյանսկի մոտ:
«Մեր ստորաբաժանման մեջ 8 հոգի կա Վինիցկայա մարզից, բոլորը՝ կամավորներ,- ասում է ավագ զինվոր Ալեքսանդր Սահակյանը:- Ապահովվածությունը նորմալ է, բոլորը սաղավարտներ ու զրահաբաճկոններ ունեն, իսկ մթերքները նույնիսկ տեղի բնակչության հետ ենք կիսում: Տեղացիների վերաբերմոինքը մեր հանդեպ սկզբում թշնամական էր, բայց Սլավյանսկն ազատագրելուց հետո նրանք սկսեցին փոխել իրենց կարծիքը»:
