Լատվիայի մշակույթի նախարար Դացե Մելբարդը «մշակութային ազգայնականությունը» անհրաժեշտ է համարում փոքր ժողովուրդների գոյատևման ու պահպանման համար՝ հաղորդում է Delfi կայքը: Նա կոչ է արել Եվրոպային վերանայել իր բացասական վերաբերմունքը ազգայնական գաղափարախոսության նկատմամբ: Նրա կարծիքով ՝ դա կենսական կարևորություն ունի, եթե մշակույթների բազմազանությունը համարեն եվրոպական արժեքների հիմք:
«Ողջ լատվիական պետությունը առաջացել է մշակութային ազգայնականութան հիման վրա: Դա ազգայնականության տեսակներից մեկն է, որը հիմա վերածնվում է Լատվիայում: Դա դրական է: Փոքր ժողովուրդները չեն կարող ապրել առանց ազգայնականության գաղափարախոսության»,- հայտարարել է Մելբարդեն:
Պաշտոնյայի կարծիքով՝ նման գաղափարախոսությունը պետք է հիմնվի ոչ թե արտաքին թշնամիների որոնման, այլ սեփական ժողովրդի արժեքների գնահատման վրա:
«Գլխավոր թշնամիները հենց ինքներս ենք: Մենք կարող ենք մեզ ոչնչացնել վեճերով, թշնամիների և դավաճանների որոնմամբ և հայրենասիրության վերաբերյալ վեճերով»,- ասել է նա:
