Մարտական գործողությունների պատճառով Սիրիայի դժվարհասանելի շրջաններ բնակիչներին մարդասիրական օգնություն հասցնելը հուլիսին դարձել է էլ ավելի բարդ, չնայած ՄԱԿ-ի ԱԽ-ի կողմից ընդունված բանաձևին, որը կոչված է հեշտացելու երկրի սահմանով բեռների անցկացման ընթացակարգը: Այս մասին հայտարարել է մարդասիրական հարցերով ՄԱԿ-ի գլխավոր քարտուղարի տեղակալ Վալերի Ամոսը՝ փոխանցում է ITAR-TASS-ը:
«Դժվարհասանելի շրջանների բնակիչներին մատակարարումներն այս ամիս էլ ավելի են կրճատվել՝ առաջին հերթին կառավարության կողմից այդ մատակարարւմների հավանության ընթացակարգի պատճառով»,- նշել է Ամոսը: Որոշ ընդդիմադիր խմբերի կամային սահմանափակումները նույնպես խոչընդոտում են մարդասիրական հասանելիությունը, հատկապես արևելյան նահանգներում:
Չորեքշաբթի ՄԱԿ-ի գլխավոր քարտուղարի տեղակալը տեսահամաժողովի ռեժիմում հաշվետվություն է ներկայացրել ԱԽ անդամների առջև Սիրիայում մարդասիրական իրավիճակի վերաբերյալ:
Հուլիսի 24-ին սննդով և առաջին անհրաժեշտության ապրանքներով ՄԱԿ-ի առաջին շարասյունը հատել է թուրք-սիրիական սահմանը Բաբ Ալ-Սալամ անցակետի շրջանում: 26 հազար մարդու համար նախատեսված բեռը հասցվել է Հալեպ և Իդլիբ:
«Հաշվի առնելով իրաքյան սահմանի մոտ անկայուն իրավիճակը, մենք կվերանայենք ժամկետները, երբ հնարավոր կլինի կիրառել Ալ-Յարուբիա կետը»,- ասել է Ամոսը:
